Kapana-panabik na pagdaraos sa Araw ng Pagkakabuklod

Natagalan man ang quarantine at pagbabalik-klase dulot ng COVID-19, hindi naman ito naging hadlang upang mabigyang pagkakataon ang mga kasapi ng samahan sa isang masiglang "Araw ng Pagkakabuklod"!

Sa ganap na 1:30 ng hapon nakaraang Oktubre 17, 2020, naganap ang nakasisiyang taunang pagtitipon ng BSP na siyang dinaluhan ng ating mga alumni, bago at dating miyembro nito. Binuo ang programa ng katuwa-tuwang aktibidad tulad ng mga palaro (gaya ng "Guess the Word thru Emojis"), kamustahan at leksiyon ukol sa mga naging karanasan ng BSP at ilang aralin sa nauuso na ngayong bahagi ng ating kultura at kasaysayan kung saan patuloy na yumayabong at tinatangkilik - ang Baybayin.

Bilang pagtatapos, hindi nakalimutan ng ating mga bisita na batiin ang importanteng persona ng araw na iyon- Maligayang Kaarawan Buknoy!